اعتاد أمثالنا من ذوي النضوج والخبره .. علي ان نعكنن علي الجيل الجديد ونكرهه في عيشته .. لانه لم يعش ايامنا الجميله


كنت في حوار مع ابنتي
لقد كنت اواجها بالحقيقه او بالاحري اواجه نفسي
لا يا بنتي لم نعش اياما جميله ولا حاجه وعشنا اياما زي سواد اليل واني لأحقد عليكي انتي وجيلك


الشيكولاتات التي تلقي تحت رجليكي ولم نكن نسمع عنها ... والاكل الذي تأكليه محدش من اهلك شافه وحكاية ان زمان كان بيمري وكان فيه بركه كله كلام في الفاضي
والشوربه اللي ببقي عايز ابوس ايديكي عشان تشربيها كنت ببوس رجل امي عشان تتحفنا بواحده منها


والآلافات التي ادفعها في كي جي ون وتو كمان
ابويا مصرفهاش عليا طول حياتي
وبالنسبه للملابس اللي بتجيلك انا مش عايز اوريكي صوري وأنا طفل .. حتي لا تتخيلي ان لأبوكي اصول صوماليه


نأتي لمسألة اللعب لم يحدث ان اشتريت لعبه بل كنت اصنعها بجهود زاتيه


بالنسبه للريموت الذي تمسكين يه وتحركين القنوات وتشوفي الكارتون وتويتي وسبيس تون وخلافه معتبرا ان هذا الامر يعد عاديا احب ان اؤكد لسيادتك اني عرفت ميكي علي كبر
وكنت استعير المجله من صاحب محل الجرايد ثم اعيدها وكان يرفع البصمات من عليها
زمان كنا بنشوف قناتين بس الاولي والتانيه والرابعه علي اساس اننا من قاطني مدن القناه وبالعافيه كانت بتيجي
الوقتي قناه اربعه وعشرين ساعه مسلسلات كارتونيه


احنا كنا بنستني كل يوم عشان نتفرج علي كعبول 5 دقايق
ويوم الجمعه نتفرج علي مازنجر وسينما الاطفال

وبالنسبه للصوره اللي مامي بتحاول تنقلهالك عني وعن التزام بابي واخلاق بابي
فده ملوش وجود
عايزه ايه من واحد بيلعب طول النهار في الشارع بيلعب كوره شراب

ارجوكي لا تسأليني ليه يا بابي مكنتش بتروح نادي الصيد او نادي المصري

اما لحكاية اني كنت من الاوائل فهذه حقيقه كان الذي يرسب يست امامه اي فرصه الا ان هو يشتغل اي شغلانه في ورشه
اما بخصوص مس انجي الخواجايه العسل اللي بتشريلها علي حسابي هدية عيد الام فيقابلها الاستاذ عبد الغفار اللي كان بيبدأ الحصه بمد الفصل كله


عيشي يابنتي حياتك
زمانكوا أحسن مننا


انا عرفت الكمبيوترمن 7 سنين

انتي عارفه وانتي في بطن مامي

يا بنتي زمانكم هو الاجمل
طفولتكم هي الاجمل
وهذا ليس كلامي انا

هذا ما قاله لي ابي وانا في نفس عمرك
حينها كان يتعجب من الامكانيات المهوله المتاحه لطفل مدلل مثلي ايامها

وانا لن احكي لكي حكاية ابي
احسن تحطيلي بريزه في ادي وانا قايم






اقتباس مع تغير في كثير
من كتاب بنت الايه

للكاتب الساخر
يوسف معاطي

حوار جميل جدا ... طريقة الكلام اضحكتني ... واجمل ما الموضوع ان الاب ده واقعي..

انا ولا مره اقتنعت ان ايام زمان كانت افضل ..

الف شكر على جميل طرحك

حوار مضحك بين اب وابنته

الف شكر كيشو ع الحوار