هي احلي حاجه انتى قولتليها في الموضوع
إن البنات تفضل قاعده في البيت ويقولوا ده نصيبنا ...
او يستنوا العدل لحد لما ييجي يخبط على الباب ..

تأخر سن الزواج زي ما بتقولي ده سببه الاول الحياااااااااااه
شوفي دلوقتي الحيااااه مولعه نـااااااار ازااااي .. مين هيقول لما اروح اتجوز والم نفسي ده لو هو شاب منحرف
هيجي يلم نفسه .. عاوز شبكه .. ومهر .. وشقه .. وعفش ..وشغل علشان المرتب اللى هيصرف بيه على المدااااام ..

هيجيب منين ده كلــــه ....؟؟
سؤال يطرح نفسه .


هو دلوقتي الحل المفيد .. الاقعده في البيت .. مالو البيت وحش
بالعكس ده جميل جـدآ كماااااان



ميرسي على موضوعك اللى فكرني بالجواااااز ..
اهههههههه
امال مش جـواز



ميـرسي يا كنزي

عشان الظروف الزفت اللى المجتمع بيمر بيها الايامدى من انهيار اقتصادى واجتماعى واخلاقى

فالجواز فى حد ذاته نعمه كبيره للى يلاقيها - سواء للست او للراجل - يعنى البنت لو اتقدملها عريس وفيه المواصفات المتعارف عليها من كل الناس زى( المقدره الماليه - الاحترام وحسن الخلق ) توافق على طول

انما هاتقعد تقول ( مبحبوش يا بابا !) يبقى عمرها ما هتشوف الجواز لسبب بسيط ان اللى بتحبه لو كان قادر على الجواز كان راح واتقدم بس ما باليد حيله - هيعمل ايه الراجل - مش لاقى شقه ولا شغل حقيقى يعيشه فى مستوى عادى او اقل من العادى كمان

فانا بقول للبنت انها تتوكل على الله وتتجوز العريس اللى يتقدملها بالطريقه التقليديه ( يعنى نسئل عليه وعن اهله وان طلع محترم تتوكلى على الله
والف مبروك


ميرسى على موضوعك

بالنسبه لي يا كنزي...

هفضل ببيت والدي اشرف لي وافضل من اني اتجوز واحد عجوز عشان فلوسه او عشان اقول ظل راجل ولا ظل حيطه...
عشان الزواج المبني على مصلحه ماديه هو زواج فاشل.. حتى لو جابوا اولاد مش هيعرفوا يربوهم صح وبالتالي هينشأ جيل مش كويس نسبيا.
انا عارفه ان تاخر سن الزواج بسبب الظروف الماديه والاجتماعيه وان في ناس هتتجوز عشان هدف معين.. مهما كان الهدف ومهما كانت الاوضاع صعبه مستحيل اتجوز راجل سنه ضعف سني..

اشكرك كنزي على الموضوع المهم..

مشكورة كنزى على موضوعك دة طبعا انا اكرملى انى أعنس واقعد فى بيت والدى احسن ما احس انى مجرد شىء امتلكه شخص بفلوسه احساس صعب جدا وهيجى اليوم الى تحتاجى الحنيه والعطف والحب وسعتها مش هتلاقيهم وهتلاقى نفسك اتبعتى رخيص قوى

انا الحمد لله مخطوبه لشخص عادى يعنى فى المستوى بس بينا يحب يحسننا اننا اغنى الناس التفاهم والحب اساس السعادة فى البيت وعلشا تنجبى اطفال تقدرى تربيهم كويس
نصيحه اوعى اى بنت مهما اتاخر بيها السن انها تتجوز علشان الجواز اولا انتى مش هتظلمى حد غير نفسك انتى وبس

ربنا يوفقكم جميعا يارب ويسعدكم

متشكره ليكوا كلكوا على ردوكوا

وطبعا بحترمها
وأنا لما فضفضت معاكوا مش كان قصدي أني موافقه على الوضع ده

لكن المشكله ان كتير موافقين عليه

او على الأقل ده الحل الوحيد امامهم

موضوعك حلو كتير يا كنزى

لكن للاسف

هو ده الوضع الحالى

ودى حياتنا


لكن بالنسبه لما عرضتيه من تلك الانواع

انها انواع رخصت نفسها

باعت نفسها فى سوق العبوديه

ليست عوديه بالمعنى المتعارف عليه

ولكنها عبوديه من نوع اخر

عبوديه ماديه

افضل ان اظل فى بيت والدى

بدلا من اكون تلك الفتاه التى باعت نفسها

اين الحب اين الكرامه

تساؤل